by: Mildred Sagban
Rinibribo a tawtawen
Iti naglabasen
Manipud adda ubing
A naipasngay idiay Belen
Nakaskasdaaw panakabukelna
Ngamin birhen ni nanang na
Ngem nakalidliday panakayanak na
Ta kulloong laeng nagiddaan na
Daydi ubing ket dimmakel
Nupay ti lubong ket nadawel
Inkaskasabana ti panagbabawi
Kadagiti isuamin a puli
Ngem tattao dida man namati
Ket insuplong da iti ari
Kunkunada saan nga agpayso
Masapul ngarud a dusaen tayo
Sisiit a malarosas inda inkorona
Ket daydi badona pinagbibingayan da
Sinapsaplit ken tinuptupraan da
Kabayatan a daydi kruz ket bagbaggaten na
Ita umadani manen ti paskua
Ti kunkuna tayo a pannakaiyanak na
Ditay koma ngarud liplipatan inaramid na
Wen,basol mo basol ko idiay kruz sinubbot na.
No comments:
Post a Comment