Ania ti inka Iregalo

by: Mildred Sagban

Mano laengen a pitik ti relo

Aldaw ti paskuan nga ur-urayen tayo

Ania met ti insaganam a regalo

Kenni Apo a Mannubot tayo

Nasin-aw ka kadi a mangpasangbay

Iti daytoy nga inna panagkasangay

Ragsak kadi ti inkan inbingay

Kadagiti puso a malmalday

Pammakawan kadin ti intednag mo

Nagkurangan kenka ti padam a tao

Guran-gura kadin ti nilipatmo

A kas kadakuada inka iregalo

Impaayam kadin iti namnama

Kadagiti puso a gumawgawawa

Ket inyablat mo kadi metten ni ayat

Kadagiti tattao a nadamsak

Ket inton kuna ni Apo kenka

Ania kadi met inka kaniak insagana

Wen,mabalin monto la a kuna

Kinatarnaw ko,ta daydi ayat nga inted mo,inted ko met kadakuada!