by: Alberto Biares
Nakurapay ti adda a panagbiag
Agtalon ti adda a pagsapulak
Tallo a diso a patawid ti amak
Nayon a bangkag, nateng nga imulak.
Naidalit da taon ti sulit ni kapitakan
Tawid a din pulos pakalung-awan
Rinabii toy barukong agsansanaang
Mangmatmat ken Baket, ti rang-ay mawaw.
Kaawan ti kuarta iti nangiparbeng
Ti adal idi nga innak gungun-uden
Kapatadak idi, biagda naaliwaksayen
Rigat latta ti adda ita a sagsagabaen.
Inkagay kon ti napitak a rigat
Rang-ay ti biag a naipaidam kaniak
Kalapaw, taltalon pagdagulitak
Rabiin ton, nakailad isu'n panaginanak.
Kagay ni rigat kaanun to a mapessat
Tarigagay ti biag kaano a sumalukag
Paskua manen ta kagay innakon iyalat
Tapno ni baket agkukot inna maiwadag.
Aldaw ti Paskua isallukob ko kenka
Kagay a ginatang ko dita kabisera
Nabayagen a samsamimitam dayta
Dungngo ken ayat ikagay ko kenka.
No comments:
Post a Comment