Ti naminsan ket nagdanggay ta
Ti ammok agpada ta a dua
Ngem gayam naisalsalumina ka
Maysa ka met gayam nga al-alya
Adu ti inta pagpadaan
Kapanunutan ken kapaliiwan
Naminsan adda pay inta binanatan
Kaasi piman daydiay a pagayam
Kunak nakabirukakon ti gayyem ko
Nga ti galad min sa ket agpareho
Ngem anian ta idi agngudo
Sika met gayam tay manglukluko
Wen nagdakes ka man a tao
Kinaimbag ko ania ti insupapak mo
Adu nga tao ti inwalay mo
Ta ipagarup da sika ket pudno
Naragsak ka kadi itan pagayam ko
Naamuamon resulta ti inaramidmo
Ngem dumtengto met ti aldaw mo
Wen saan nga matmaturog ti Apo!
No comments:
Post a Comment