by: Mildred Sagban
Kunkunam mabalin la koma nga agawid ita
Tapno kaduam ti pamilya a mangpasangbay ti paskua
Ngem ammom nga imposible a mapasamak dayta
Ngamin ti nagbabaitanyo ket riniriwriw a milya milyaRigat ken iliw amin ket inturtured mo
Gapu laeng iti nalaos a panagayat mo
Dimo inggingina ti saebbek ti barukong mo
No bumisita ti pamilyam iti panunot moKailiw mo unayen arakup ni ipatpateg
Da nanang ken tatang ti managayatda nga agek
Kanta dagiti ubbing a silent night ken jingle bells
Amin dagitoy ket inkan malaglagipManon a paskua iti insangit mo
Ken baro a tawen a pinalabas mo
Amin dagitoy inibturam gaput ayat mo
A maiyaon manipud rigat ti pamilya yoIta a paskua luluam ti inka punasen
Ngamin mariknam ni liday ken nagpaiduma a saem
Kasta la ti biag agduduma ti dumteng
Numan pay nasakit masapul nga aklunen!
No comments:
Post a Comment