Nariknak ti ayat idi damo ka makita
Nakaisemak agmaymaysa no malagip ka
Toy pusok nagpigsa ti pitikna
Ti nerbyos ko a napalaos no makitkita ka.
Panangipateg ko kenka
Saanko a maibaga
Mabutengak ta baka pusok ket maiwawa
No mapaay toy ayat saankon iyebkas kenka.
Nakas-ang ti mabasted dungngo
Ilimed ko laengen toy ayatko
Ngem tay ibagak ti pudno
Ta ammok addan sabali nga ipatpategmo
Ket nasakit dayta kaniak biagko.
Ammok naragsakka kenkuana
Nasakit man toy riknak awatek latta
Ngem toy ayat ko mangnamnama
Bareng agsina kayonto met laeng a duwa
Ta rugyanak metten mangarem kenka.
No comments:
Post a Comment