Naamak pay met ta malagip mo
Tinibba a saba dita igid ti kombento
Baka dimo ammo nga uliteg ko
Ti nagmula, a ni BROTHER ILLO
Nabayag na metten a pinakawan
Ta isunan payen ket dimmagan
Idiay langit innan to laengen arasaasan
Ni SAN PEDRO a tukayo nan
Ibaga nan to a saan a sita ti nangan
Ta dagiti salbag inda met tinakaw
Ammok no sino dagita a katataoan
Kakuykoyog ta met laeng idi sagpaminsan
Maysa a babai nagduyosan ti rikna ta
Impabagim kaniak a sipakumbaba
Kaykayat da ngamin idi ti kumanta ken gumitara
Pukol ngamin idi ta ramay mo ken umel ka (haha)
Iti klase maysa ka idi ti kasiriban
Addaak laeng kanayon diay likudam
Ngem saan a dayta ti lapped panagpagayam
Tunggal maysa adda latta inna pagkapsutan
Dagiti mamaestra pagaayat da ka
Ta sika pay para isurat diay bisara
Paboritom a maestra no.7 ti short na
Pagkakatawaan makita no itil-ay na
Babbalasang siak met pagaayat da
Para drawing ti project a maburda
Para gitara, ken para kanta
Ngem makutengteng awan sa ( hehe )
Ala, toy novela diak unay kaatiddugen
Baka adda man kenka maipalagipen
Amangan to ket di maputpoten
marigatan ti publisher, ngumina payen ti papel
No comments:
Post a Comment