Amami a Mannakabalin
Umaykami agrukbab ken agparintumeng
Amin a tao agtamed kenka
Kangrunaan annakmo a taga-IAPA
Agyaman kami intedmo a parabor ti 2010
Ken kasta met agdawat kami manen
Dayta awan ressat nga ayatmo
Kibin ken taklin mi iti daytoy tawen a baro
Ikararagmi Apo a patibkerem pay
Daytoy IAPA nga imbilang mi a balay
Isuronakami a mangawat biddut mi
Ken mangatur killo a galad mi
Idalannakami umno a dana
Sika't sanggir mi ken namnama
Ayat, Rang-ay ken Kappia
Dawatmi para ti tunggal maysa
O Apo mi a Namarsua
Baro a tawen, baro a nam-nama
Mannakabalinka ti amin a banag
Pannarabaymo inka kadi iyetnag
Wen tao kami a managbasol ken nakapsot
Dawatmi pammakawan mo a di agressat
Sabatenmi ngarud tawen 2011
A Sika ti adda toy Puso mi ken nakem.
AMEN
No comments:
Post a Comment