Adda man naimdengak a sarsarita
Sumagmamano kano a miyembro ti IAPA
Panunot ken rikna dagiti Admins riribukenda
Ipilitda, agdamagda ti banag nga awan kaes-eskanna.
Kunam kabsat nga Iilocano
IAPA ket balaytayo
Agkakabsat, agsisinnakit tayo
Apay dagiti dadduma
Biddut laeng ti inda makitkita?
Laglagipentayo koma
Ti tao saan a perpekto.
Adda latta biddutna
Ta kasta ti inna pannakaiparsua.
Intay ketdi ida palakpakan
Dagiti Admins intay pagyamanan
Awan man sweldo wenno bayad da
Pagragsakantayo nga Ilocano inda latta ipangruna.
Kiddawek man garud kakabsat nga Ilocano
Dayta gura, pasugnod wenno apal tayo
Baro a tawenen agpakumbabatayo....
Tapno dagiti Admins maawanan sakit ti ulo.
Toy kabsatyo Don Alutiit ken saan met aginsasanto
Idawatko laeng ti pannakaawat tayo
Sitwasyon dagiti admins tayo...
Narikut ken nariro
Garud ipukkaw ken agkaykaysatayo
KADAGITI ADMINS INTAY AGSALUDO!
No comments:
Post a Comment